Beati pauperes spiritu (Grece est mendici, apud Sa, quem vide, et Maldon.: πτωχοί).

 Sancta hæc est avaritia filiorum Dei quia nunquam satiantur bonis operibus; unde in Scriptura pii vocantur pauperes et mendici, quia etsi abundent bonis operibus tamen semper mendicant: Desiderium pauperum; Edent pauperes et saturabuntur.

 Mendicum autem istum ideo sanatum a medico, quia mendicos medicus diligit; nos, quia non sumus mendici, quamvis coeci, non curamur a Medico cælesti, qui esurientes replet bonis et divites dimisit inanes.