Illic producam cornu David; filio olei, unguento pleno: Oleum effusum nomen; et, Unxit te Deus præ participibus tuis, ut a te tanquam a cornu primario omnes reges ungerentur, ut dicereris Rex regum et Dominus dominantium, et de tua plenitudine omnes reges acciperent, ut [216] prædixeras: Per me reges regnant, etc. Cornu autem dicitur Christus filius olei, id est repletus oleo, ut filius iniquitatis, filius peccati, id est, plenus iniquitate.

 In prima unctione accepit cor mundum et spiritum rectum ( Dilexisti justitiam et odisti iniquitatem ); in secunda, spiritum sanctum prophetiæ; in tertia, spiritum principalem, et, quemadmodum Christus, fuit unctus præ participibus suis.