Etenim Beati caelites, de quibus agitis, quamquam instar caeli siderum alii alio splendore in Ecclesiae fastis enitent, omnes tamen ita virtutum laudibus excellunt, ita mirabilibus signis per cos a Deo patratis refulgent, ut, quantum possit ac valeat ad sanctissime conformandos animos ad resque praeclare agendas divinae Redemptionis opus luculenter inde patefiat.

 Cur igitur non exoptet Sanctitas Sua Beatos hos caelites sanctitudinis diademate decorare cosque omnibus ad intuendum ad imitradum proponere? Vult tamen, ut in re sane gravissima, quae cum intemerata catholicae religionis integritate arete coniungitur, tradita a maioribus instituta nulla ex parte intermittantur.