Id enim testamur quod, in Nostra commendatione dictae S. Sedi Apostolicâe exhibenda testati sumus quum Episcopi Salutiarum mu nere fungeremur, scilicet Nos, huius Congregationis exordia et progressus sub oculos habuisse, atque mira incrementa de die in diem vidisse, atque coactos fuisse profiteri digitum Dei ibi esse.

 Dum inimicus homo in agro Domini pravarum doctrinarum zizania plenis manibus seminare satagit, eaque magno animi nostri moerore, ubique excrescere videmus, nihil sane magis commendatione dignum eorum coelestis Patrisfamilias servorum opera, qui bonum semen spargere student et illud in primis in puerorum et adolescentium animi inserere et alere solerti cura adlaborant..