Visis et consideratis quse consideranda erant, Domum hanc «Congregationis Beatissimse Virginis Dei Matris de Visitatione» nuncupatam, in Monasterium, sub Regula Sancti Augustini ereximus et erigimus, decernentes, eadem authoritate Apostolica, omnes Sorores sive Moniales ejusdem Domus ipsumque totum Monasterium uti, frui et gaudere deinceps debere omnibus et singulis immunitatibus, privilegiis, indultis ac concessionibus quibus caetera Monasteria Moniahum sub eadem Regula viventium, uti, frui et gaudere solent; ac simihter, eisdem Sororibus perpetuam clausuram, secundum Concilii Tridentini decreta, servare deinceps imponimus et injungimus, cum omnibus legibus solemnitatis votorum..

 Ac quemadmodum Ecclesia unum diem singulis fere hebdomadis destinavit cultui Beatissimse Virginis, ita nihil indecorum, nihil insuave fecerit si unum Ordinem, maxime mulierum, quotidianis illius Christi Domini ac totius Christianismi Matris laudibus publice cantandis destinaverit; imo, potius rem, et Christo, et Matri, et omnibus eorum devotis gratissimam praestiterit..