Si Deus ordinavit aliquos ad poenam ante culpae praevisionem, quare dictum est: Prout gesserit quisque in corpore suo, sive bonum; sive malum? Quomodo enim factum ut poenae quam Deus sine ulla ratione culpae ordinavit, tam juste corresponderet culpa ex libero nostro arbitrio? Sane opportuit Deum ordinare culpam ut responderet poenae jam ordinatae, aut committere libero arbitrio nostro ut sine culpa damnaremur, ut clarum est.

 Et haec, in amaritudine animse meae toties dicerem, donec Deus mutans vitam meam et sententiam suam responderet mihi: Confide, fili; nolo mortem peccatoris, sed magis ut convertatur et vivat.